【 #銅鑼灣私房菜】
話說第一次食私房菜，究竟同平時食嘅中菜有咩唔同呢 ？
咁岩屋企人生日，就一於去試下傳說中嘅私房菜啦 ～
黎到銅鑼灣睿私房菜，感覺同平時上中菜館食飯感覺好唔同，
格調氣派優雅，地方寬敞舒適，比平時餐館多左份寧靜同私隱度極高，
仲有馬場靚景睇，一家人可以靜靜地享受美食睇靚景。
除左靚景外，我更著重食物質素，畢竟除左眼睛食先，舌頭感覺才最重要。
款式精緻，由傳統古法到新派粵菜菜色都有，食得出大廚心思之作，
味道有水準同驚喜，家庭聚餐、朋友生日又多個好地方。
晚市尊貴套餐：
泡椒雞腳。麻辣千層峯：
雞腳做得皮脆入味，千層峯即係豬耳，兩款餐前小菜都好惹味，愈食愈開胃。
冰鎮咕嚕黑豚肉：
呢個真係私心推介真係一試難忘，霸氣上枱已經相機先食，
仙氣四溢未食已解暑，一咬外層酸甜酥脆，內層嫩滑多汁黑豚肉，
外冷內熱味覺視覺享受。
是日老火靚湯：
老火燉湯湯色清甜唔肥膩，一打開已經聞到陣陣香氣，
清潤滋補最岩轉季時節飲。
香酥腐皮墨魚卷：
墨魚卷即叫即炸，新鮮熱辣上枱，巧手之作薄薄炸腐皮包著墨魚卷，
仲食到粒粒墨魚卷，口感豐盈彈牙。
七彩尖椒炒豬面青
尖椒同豬面青炒得爽口入味
高湯杞子浸菜心苗
除左杞子同菜心苗，仲有一片片爽口羊肚耳，
盡吸高湯鮮味清甜。
脆皮燒腩仔炒飯
炒飯粒粒有咬口，加上燒腩仔咸香。
招牌滴漏白芝麻布甸
坊間少食到嘅白芝麻布甸，口感香滑細膩，啖啖都充滿芝麻香氣，
絕對係手工同心機之作。
@ChillPrivateCuisine
睿私房菜 Chill Private Cuisine
沒有留言:
張貼留言